Diwali-celebrations-in-Canada-

కెనడాలో తాకా ఆధ్వర్యంలో దీపావళి వేడుకలు

కెనడా: తెలుగు అలయెన్స్ ఆఫ్ కెనడా(తాకా) ఆధ్వర్యంలో బరంప్టన్ నగరంలోని చెంగోస్కి సెకండరీ స్కూల్లో దీపావళి వేడుకలు జరిగాయి. ఈ వేడుకల్లో 1000 మందికి పైగా తెలుగు ప్రవాసులు పాల్గొన్నారు.  ముందుగా తాకా కార్యదర్శి నాగేంద్ర హంసాల ఆహ్వనం మేరకు భాను సూరపనేని, మీనా ముల్పూరి, దీపా సాయిరాం, రంజిత హంసాల, వెంకటరత్నం కల్లూరి, సత్యవతిలు జ్యోతి ప్రజ్వలన గావించారు. ఆ తరువాత ఇండియా, కెనడా జాతీయ గీతాలతో సాంస్కృతిక కార్యక్రమాలు ప్రారంభమయ్యాయి. వేడుకలో భాగంగా కళాకారులు ప్రదర్శించిన కూచిపూడి, భరతనాట్యం, కథాకళి నృత్యాలు అందరినీ ఆకట్టుకున్నాయి. గాయకులు పాడిన జానపద, సినిమా గీతాలు కూడా అలరించాయి. ఈ సాంస్కృతిక కార్యక్రమాలు వాణిజయంత్, దీపా సాయిరాంల ఆధ్వర్యంలో నిర్వహించబడ్డాయి. తరువాత తాకా అధ్యక్షులు అరుణ్ కుమార్ మాట్లాడుతూ ఈ యేడాది కాలంలో తాకా ఆధ్వర్యంలో నిర్వహించిన వివిధ కార్యకరమాల గురించి సభ్యులకు వివరి౦చారు. తాకాను స్థాపించేందుకు చారి సామంతపూడి జరిపిన కృషిని గుర్తు చేసుకున్నారు. సెప్టెంబర్‌లో జరిగిన తాకా ఇండోర్ స్పోర్ట్స్ కార్యకరమంలో గెలిచిన విజేతలకు బహుమతులు అందజేశారు.

ఫోటోల కోసం క్లిక్ చేయండి 

ఈ వేడుకలో తానా కెనడా ప్రతినిధి లక్ష్మీనారాయణ సూరపనేని, తెలంగాణ అసోసియేషన్ ప్రతినిధులు కూడా పాల్గొన్నారు. వేడుకలను విజయవంతం చేసినందుకు కోశాధికారి కల్పన మోటూరిని, ఫుడ్ కమిటీ ఇంచార్జ్ సురేష్ కూన, కల్చరల్ ఇంచార్జ్ దీపా సాయిరాం, డెైరెక్టర్ రాఘవకుమార్ అల్లం, ట్రస్టీ చైర్మెన్ లోకేశ్ చిల్లకూరును, ట్రస్టీ సభ్యులు భాషా షేక్, రాంబాబు కల్లూరి, కిరణ్ కాకర్లపూడి, ఆర్నాల్డ్ రామానుజులు మద్దెలను తాకా అధ్యక్షులు అభినందించారు. తాకా వ్యవస్థాపక సభ్యులు శ్రీనాథ్ కందూరు, రామచందర్ రావు దుగ్గిన, రమేష్ మునుకుంట్ల, పూర్వ అధ్యక్షులు గంగాధర్ సుఖవాసి, చారి సామంతపూడిల ఆధ్వర్యంలో వేడుకలు జరిగాయి. చివరగా తాకా ఉపాధ్యక్షులు రామచందర్ రావు దుగ్గిన తాకా సభ్యులకు, వాలంటీర్లకు ధన్యవాదాలు తెలిపారు.