TAMA-ugadi-celebrations-in-Atlanta

ఘనంగా అట్లాంటా తెలుగు సంఘం 'తామా' ఉగాది ఉత్సవాలు

ట్లాంటా తెలుగు సంఘం ‘తామా’ ఉగాది ఉత్సవాలు ఏప్రిల్ 13న స్థానిక మెడోక్రీక్ హైస్కూల్లో ఘనంగా జరిగాయి. ఈ ఉత్సవాలలో రెండు వేల మందికి పైగా పాల్గొనగా తెలుగు సినీ గాయని గీతా మాధురి తన పాటలతో ఉర్రూతలూగించారు. పెర్సిస్ బిర్యానీ ఇండియన్ గ్రిల్, పటేల్ బ్రదర్స్, హోరైజాన్ సాఫ్టెక్, ఇఐఎస్ టెక్నాలజీస్, ట్వంటీ సెవెంత్ ఇన్వెస్ట్మెంట్స్, గాంధీ ఫార్మర్స్ ఇన్సూరెన్సు ఏజెన్సీ ఈ కార్యక్రమానికి సమర్పకులుగా వ్యహరించారు. ముందుగా పిల్లలకు క్యూరీ లెర్నింగ్ ఆధ్వర్యంలో నిర్వహించిన మాత్ బౌల్, స్పెల్ మాస్టర్ ఛాలెంజ్ పోటీలలో సుమారు 200 మంది పిల్లలు పోటీపడ్డారు. పొటీలలో గెలుపొందిన విజేతలకు బహుమతులను అందజేశారు. సాంస్కృతిక కార్యదర్శి సుబ్బారావు మద్దాళి ఉగాది శుభాకాంక్షలతో అందరికి స్వాగతం పలుకగా, తామా కార్యవర్గ సభ్యులు వెంకీ గద్దె, భరత్ మద్దినేని, ఇన్నయ్య ఎనుముల, ప్రియ బలుసు, సాయిరాం కారుమంచి, ఆదిత్య గాలి, రవి కల్లి, సురేష్ బండారు, రూపేంద్ర వేములపల్లి, భరత్ అవిర్నేని, శ్రీవల్లి శ్రీధర్, బోర్డు సభ్యులు వినయ్ మద్దినేని, రాజశేఖర్ చుండూరి, నగేష్ దొడ్డాక, ఆనంద్ అక్కినేని, కమల్ సాతులూరు, శ్రీనివాస్ ఉప్పు, గాయని గీతా మాధురి, వ్యాఖ్యాత సమీరా విఘ్నేశ్వరునికి జ్యోతి ప్రజ్వలనతో సాంస్కృతిక కార్యక్రమాలను ప్రారంభించారు. అట్లాంటాలోని ప్రముఖ సంగీత, నృత్య పాఠశాలలకు చెందినవారు ప్రదర్శించిన సినిమా నృత్యాలు, శాస్త్రీయ సంగీతం, జానపద గీతాలు, ఫ్యాషన్ షో, యాంకర్ సమీరా వ్యాఖ్యానం అందరినీ అబ్బురపరిచాయి. సాంస్కృతిక కార్యక్రమాలలో పాల్గొన్నవారికి ప్రశంసా పత్రాలు అందజేశారు.

 
తామా కార్యవర్గం, బోర్డు సభ్యుల చేతుల మీదుగా స్పాన్సర్స్, గాయని గీతా మాధురి, యాంకర్ సమీరా, జార్జియా హౌస్ ప్రతినిధి టాడ్‌జోన్స్‌లను పుష్పగుచ్చం, శాలువ,  జ్ఞాపికలతో సత్కరించారు. ప్రముఖ వ్యాపారస్తులు ఏర్పాటు చేసిన స్టాల్స్‌లో ఆభరణాలు, వస్త్రాలు, ప్రత్యేక ఆహార పదార్ధాలు మొదలగునవి విశేషంగా ఆకట్టుకున్నాయి.  శ్రీ సత్యనారాయణ స్వామి గుడి పూజారి రవి మేడిచెర్ల గారు పంచాంగ శ్రవణం గావించారు. ఈ ఉగాది ఉత్సవాలలో ఇండియా నుంచి ప్రత్యేకంగా తెప్పించిన వంటకాలతోపాటు షడ్రుచుల ఉగాది పచ్చడి, పెర్సిస్ బిర్యానీ ఇండియన్ గ్రిల్ అందించిన సహపంక్తి భోజనాలు అట్లాంటా తెలుగు వారి జిహ్వ చాపల్యాన్ని తీర్చాయనడంలో అతిశయోక్తి లేదు. అలాగే గీతా మాధురి పాటల హరివిల్లుతో వేదిక ప్రాంగణం హోరు మన్నది. చిన్న పెద్ద అందరూ వేదిక మీదకు వచ్చి డాన్సులు చెయ్యడం కొసమెరుపు.
 

చివరగా ప్రెసిడెంట్ ఎలెక్ట్ భరత్ మద్దినేని, ఈ కార్యక్రమానికి విచ్చేసిన ఆహ్వనితులకు, ఆడియో, లైటింగ్, ఫోటోగ్రఫీ, వీడియోగ్రఫీ సేవలందించిన వాకిటి క్రియేషన్స్ శ్రీధర్ రెడ్డి గారికి, వేదికను అందంగా అలంకరించిన మేరీగోల్డ్ ఈవెంట్స్ సుజాత పొన్నాడ గారికి, మెడోక్రీక్ హైస్కూల్ యాజమాన్యానికి, స్పాన్సర్స్‌కు.. ముఖ్యంగా వాలంటీర్స్ శ్రీనివాస్ లావు, అంజయ్య చౌదరి లావు, అనిల్ ఎలమంచిలి, రాజేష్ జంపాల, రామ్ మద్ది, ఉపేంద్ర నర్రా, శ్రీని బలుసు, విజయ్ కొత్త, విజయ్ కొత్తపల్లి,  గిరి సూర్యదేవర, మురళి బొడ్డు, సురేష్ ధూళిపూడి, బాల మడ్డ, అనిల్ కొల్లి, వెంకట్ అడుసుమిల్లి, మహేష్ పవార్, వెంకట్ మీసాల, శ్రీరామ్ రొయ్యల, యశ్వంత్ జొన్నలగడ్డ, హేమంత్ వర్మ పెన్మెత్స, రమేష్ వెన్నెలకంటి, సాన్వి, అక్షు, మోనిష్, తనీష్, రితిక్, రుషీల్, అఖిల్, వంశి కనమర్లపూడి, శ్రీనివాస్ కుక్కడపు, సంతోష్, సరితా, గౌతమి ప్రేమ్, సత్య నాగేందర్, అనిల్, నగేష్ మాగంటి, మూర్తి మొల్లివెంకట, శ్రీనివాస్ గోలి, శ్రీనివాస్ కోడెల, గిరిధర్ కోటగిరి, శశి కేలం, అప్పారావు గోపు తదితరులకు ధన్యవాదాలు తెలియజేసి కార్యక్రమాన్నిముగించారు.

ఫొటోల కోసం క్లిక్ చేయండి